कै. रघुनाथराव जगताप फाउंडेशन (RJF) छत्रपती संभाजीनगर ह्या संस्थेची स्थापना ई.सन 2017 साली करण्यात आली. श्री अरुण रघुनाथ पाटील हे ह्या संस्थेचे संस्थापक अध्यक्ष आहेत. वैद्यकीय शिक्षण क्षेत्रामध्ये तसेच पुढील काळात वेगवेगळ्या शिक्षण क्षेत्रामध्ये काम करण्याच्या तसेच सामाजिक कार्य करण्याच्या उद्देशाने आम्ही या संस्थेची स्थापना केली असून संस्थेने वैद्यकीय शिक्षण क्षेत्रामध्ये नर्सिंग स्कूल सुरू करून पाहिले पाऊल ठेवले आहे. कै.रघुनाथराव जगताप फाऊंडेशन संचलित ग्लोबल नर्सिंग स्कूल पाचोरा ची स्थापना इ स २०२४ साली करण्यात आली.

सन 1928 च्या दरम्यान जन्मलेले रघुनाथराव, तीन भाऊ आणि दोन बहिणी असा परिवार शिक्षण जेमतेम चौथीपर्यंत झालेले. पाचोरा तालुक्यातील शिंदाड पोस्ट च्या हद्दीतील एक छोटेसे गाव. कडेवडगाव त्या गावांमध्ये व परिसरामध्ये वटवृक्ष किमान तीनशे वर्षे जुना असावा. तसेच डोंगराच्या कडेला असल्यामुळे या गावाला कडे वडगाव असे नाव पडले असावे. कडे वडगाव या गावात जन्मलेले रघुनाथराव भावंडांमध्ये सगळ्यात लहान गावांमध्ये स्वातंत्र्यापूर्वीच शाळा होती. चावडी वर शिक्षण दिले जात होते. गावामध्ये शिक्षण हे जेमतेम चौथीपर्यंत. त्यानंतर गुरे चारणे व शेती कुणबी हा व्यवसाय करणे कुणबी म्हणजे शेती करणारा. डोंगराच्या कडेला मिळालेल्या डोंगराळ टेकडी असलेल्या त्या जमिनीला अंग मेहनतीने मोठमोठे दगडाचे बांध घालून व नंतर त्यावर डोंगरावरची माती टाकून डोंगर टेकडीची माती समान करून अर्ध आयुष्य हे जमिनी तयार करण्यात घालवले. त्यानंतरच्या उर्वरित आयुष्यामध्ये जमीन सुपीक करून शेती व्यवसायातून कुटुंबाचा उदरनिर्वाह केला. 1972 ला दुष्काळ पडला, तेव्हा कर्ज काढावे लागले. महिना साल धरून लोकांची मोलमजुरी करून कर्ज फेडले. तरीसुद्धा अजून काही कर्ज फेडायचे राहून गेले, म्हणून गाव सोडून ऊस तोडीसाठी बाहेरच्या जिल्ह्यांमध्ये शहादा, प्रकाशा येथे जावे लागले. मुलींचे लग्न आणि इतर जबाबदाऱ्या पार पडताना आमचे भावंडांचे शिक्षण राहून गेले.

अरुण हा लहान मुलगा ह्या लहान मुलास त्यांनी शिक्षणाचा आग्रह धरला. वेळ पडली तर काठीने बदडून शाळेत पाठवले. पुढे अरुण गावातील चौथीपर्यंतच्या शाळेतून चौथी पास होऊन इयत्ता पाचवी मध्ये चाळीसगाव येथे बहिणीकडे शिक्षणासाठी गेला. आणि रघुनाथरावांना आनंद वाटला. ते म्हणाले हा माझे स्वप्न पूर्ण करीन. अरुण शिकला नोकरीला लागला वडिलांचे रघुनाथरावांचे स्वप्न पूर्ण केले. रघुनाथराव बैलांच्या मारामारीत जखमी झाले. अरुण याने वडिलांचे तुटलेले हाड वैद्यांकडून दुरुस्त केले. परंतु वृद्धापकाळमुळे रघुनाथराव थकले आणि 1998 रोजी त्यांची प्राणज्योत मालवली.

अरुण ह्या मुलाने पुढे, कै. रघुनाथराव जगताप फाउंडेशन नावाची संस्था स्थापन केली. वडिलांच्या नावाने स्थापन केलेले संस्थेला आज कै. रघुनाथराव जगताप फाउंडेशन संचलित ग्लोबल नर्सिंग स्कूल. ए. एन. एम. तसेच जी. एन. एम. हे आरोग्य, वैद्यकीय क्षेत्रातील कॉलेज मिळाले आणि खऱ्या अर्थाने रघुनाथरावांना श्रद्धांजली अर्पण झाली. पुन्हा एकदा कष्टकरी गरीब शेतकऱ्याला भावपूर्ण आदरांजली🙏💐